ಹೊನ್ನಾವರ: ತಾಲೂಕಿನ ಕಾಲೇಜು ವೃತ್ತದಲ್ಲಿ ಸಂಸದ ಅನಂತಕುಮಾ‌ರ್ ಹೆಗಡೆ ಸೋಮವಾರ ಶ್ರೀರಾಮನ ಭಾವಚಿತ್ರಕ್ಕೆ ಪುಷ್ಪಾರ್ಪಣೆ ಮಾಡಿ, ಅಯೋಧ್ಯೆಗೆ ತೆರಳುವ ಮಾರ್ಗಸೂಚಿ (1988ಕಿ.ಮೀ.)ಯನ್ನು ಅನಾವರಣಗೊಳಿಸಿದರು.
ಜಿ. ಜಿ. ಶಂಕರ್ ಹಾಗೂ ಸುರೇಶ್ ಹೊನ್ನಾವರ ನೇತೃತ್ವದಲ್ಲಿ ಹೊನ್ನಾವರದ ನಾಗರಿಕರು ಈ ಮಾರ್ಗಸೂಚಿಯನ್ನು ನಿರ್ಮಿಸಿದ್ದಾರೆ. ಇದೇ ಸಂದರ್ಭದಲ್ಲಿ ‘ಹೊನ್ನಾವರ ಶರಾವತಿ ಆರತಿ ಉತ್ಸವ ಸಮಿತಿ’ಯವರು ಜೆ. ಟಿ. ಪೈ ಹಾಗೂ ವಿಶ್ವನಾಥ್ ಅವರ ಮಾರ್ಗದರ್ಶನದಲ್ಲಿ ಹೊನ್ನಾವರದ ನಗರವನ್ನು ಪತಾಕೆ, ಕಟೌಟ್‌ಗಳಿಂದ ಹಾಗೂ ಶುಭಾಶಯ ಕೋರುವ ಬ್ಯಾನರ್‌ಗಳಿಂದ ಸಿಂಗರಿಸಿದ್ದರು.
